உளுந்தில் வைட்டமின் A, K, E மற்றும் B வகை ஊட்டச்சத்துகள் ( B1, B3, B5, B6), இரும்பு சத்து, போலேட், கால்சியம், பொட்டாசியம் போன்ற எண்ணற்ற சத்துகள் நிரம்பியுள்ளது.

இது இருதயத்திற்கு ஆரோக்கியமளிப்பதுடன் உடலிலுள்ள கெட்ட கொழுப்புகளை குறைக்க உதவுகிறது.

நரம்பு தளர்ச்சி, பக்க வாத பிரச்சினைகளுக்கு ஏற்ற சிறந்த மருந்தாக உளுந்து கஞ்சி உதவுகிறது.

எலும்புகளுக்கு நல்ல உறுதி அளிக்க கூடியது. எனவேதான், எலும்பு முறிவு ஏற்படுபவர்களுக்கு விரைவில் குணமாக உளுந்து மாவு அரைப்பை கட்டுடன் சேர்த்து போடுவார்கள்.

பெண்களின் மாதவிடாய் காலங்களில் ஏற்படும் இடுப்பு வலிக்கு சிறந்த மருந்தாக விளங்குகிறது. எனவேதான், கிராமங்களில் பெண்கள் பூப்படைதல் சடங்கின்போது உளுந்து, வாழைப்பழம், முட்டை மற்றும் சர்க்கரை கலவை கொடுக்கப் படுகிறது.

தோல் சம்பந்தமான நோய்களுக்கு ஆயுர்வேதத்தில் மருந்துகளில் ஒன்றாக பயன்படுகிறது.

வெறும் 100 கிராம் உளுந்தில் 18 கிராம் நார்சத்து உள்ளது. மேலும், இவை உடலுக்கு நோய் எதிர்ப்பு சக்தியை அளிக்கிறது.

உளுந்துடன் சிறிதளவு வெந்தயம் சேர்த்து அரைத்து தலைக்கு தேய்த்து குளித்து வந்தால் பொடுகு பிரச்சினை நீங்குவதோடு உடல் உஷ்ணம் நீங்கும்.

வயிற்று போக்கு, மலசிக்கல், உடல் சோர்வு போன்ற பிரச்சினைகளுக்கு தீர்வாக அமைகிறது.

இவ்வளவு மகத்துவம் நிறைந்ததன் காரணமாகவே சில வீடுகளில் சமையலின்போது கடுகுடன் உளுந்து சேர்த்து பயன்படுத்துகிறார்கள்.