பெரும்பாலும் கரைந்தவுடன் ஜெல்போல ஆகிவிடும். ஓட்ஸ், பீன்ஸ், வேர்க்கடலை, அரிசி, உமி, பார்லி, சாத்துக்குடி, ஆரஞ்சு போன்ற சிட்ரஸ் பழங்கள், ஆப்பிள், கோதுமை, பருப்பு போன்றவை கரையும் நார்ச்சத்து கொண்டவை. இது நாம் உண்ணும் உணவில் உள்ள கொலஸ்ட்ராலை குறைக்கும்

பழங்கள், காய்கறிகள் தானியங்களிலும் காணப்படுகின்றன. ஆப்பிள் தோல், முட்டைக்கோஸ், பீட்ரூட், காலிஃபிளவர், கேரட் போன்றவற்றில் கரையாத நார்ச்சத்துகள் காணப்படுகின்றன. இவை ஜீரணத்திற்கு உதவும். மலச்சிக்கலைப் போக்கும். இந்நிலையில், நார்ச்சத்து அதிகமுள்ள உணவுகள் குறித்தும் அதன் பயன்கள் குறித்தும் பார்க்கலாம்.

பெரும்பாலான நார்ச்சத்துகள் தோலில் உள்ளதால், ஆப்பிளை தோல் உரிக்காமல் சாப்பிடுவது மிகவும் நல்லது.

100 கிராம் ஆப்பிள் பழத்தில் 2.5 கிராம் நார்ச்சத்து உள்ளது.

வாழைப்பழம் விலை மலிவாக கிடைக்க கூடிய நார்ச்சத்து நிறைந்த பழம்.

100 கிராம் வாழைப்பழத்தில் 2.6 கிராம் நார்ச்சத்து உள்ளது. வாழைப்பழத்தில் இரத்த அழுத்தத்தை குறைக்க உதவும் பொட்டாசியம் நிறைந்துள்ளது.

100 கிராம் கொய்யாப்பழத்தில் 5 கிராம் நார்ச்சத்து உள்ளது.

கொய்யாப்பழத்தில் உடல் வளர்ச்சிக்கு தேவையான வைட்டமின்கள் மற்றும் தாது உப்புகளும் மிக அதிகமாக உள்ளன.

அத்திப்பழத்தில் சருமம், தலைமுடி மற்றும் உடல் வளர்ச்சிக்குத் தேவையான வைட்டமின்கள் மற்றும் ஊட்டச்சத்துகள் நிறைந்துள்ளன.

100 கிராம் அத்திப்பழத்தில் 2.9 கிராம் நார்ச்சத்து உள்ளது.

கேரட், காலிஃபிளவர் இரண்டுமே நார்ச்சத்து நிறைந்த காய்கறிகள் ஆகும். 100 கிராம் கேரட்டில் 3.6 கிராம் நார்ச்சத்து உள்ளது. 100 கிராம் காலிஃபிளவரில் 2.5 கிராம் நார்ச்சத்து உள்ளது.

கருப்பு உளுந்தில் நார்ச்சத்து மற்றும் ஊட்டச்சத்துகள் நிறைந்துள்ளது. 100 கிராம் உளுத்தம் பருப்பில் 18.3 கிராம் நார்ச்சத்து உள்ளது.

பாதாம் பருப்பில் நிறைய தாது உப்புகள் மற்றும் வைட்டமின்கள் இருப்பதால், இது உடல் எடையை குறைப்பதற்கும், கெட்ட கொழுப்பை குறைக்கவும் உதவுகிறது.

100 கிராம் பாதாம் பருப்பில், 13 கிராம் நார்ச்சத்து உள்ளது

அரை கிண்ணம் பசலைக்கீரையில் 3.5 கிராம் நார்ச்சத்து உள்ளது. எளிதில் செரிக்கும் தன்மை கொண்டது.

ஒரு கிண்ணம் சமைத்த கொள்ளில் 4 கிராம் நார்ச்சத்து உள்ளது. உடல் எடையை வெகுவாக குறைக்கும் தன்மை கொண்டது.

அரை கிண்ணம் சமைத்த பச்சை பட்டாணியில் 6.7 கிராம் நார்ச்சத்து உள்ளது. செரிமான பிரச்னைக்கு சிறந்தது.

ஒரு கிண்ணம் உலர்ந்த திராட்சையில் 5.4 கிராம் நார்ச்சத்து உள்ளது.

ஜீரண சக்தியை அதிகரிக்கிறது. இதன் காரணமாக உடலுக்கு உடனடியாக ஆற்றல் கிடைக்கிறது.

ஒரு கிண்ணம் மஞ்சள் பூசணிக்காயில் 2.5 கிராம் நார்ச்சத்து உள்ளது. மேலும் கண்களின் பார்வையை கூர்மையாக்கும்.

சுண்டலில் நார்ச்சத்து, இரும்புச்சத்து, புரதம், பொட்டாசியம் போன்ற ஏராளமான சத்துகள் உள்ளன.

100 கிராம் சுண்டலில் 17 கிராம் நார்ச்சத்து உள்ளது. இது தினசரி பரிந்துரைக்கப்பட்ட உடலுக்கு தேவையான அளவில் 68% ஆகும்.

பாசிப்பயற்றிலும் நார்ச்சத்து, புரதம் மற்றும் இரும்புச் சத்து நிறைந்து காணப்படுகின்றன. 100 கிராம் பாசிப்பயற்றில் 16 கிராம் நார்ச்சத்து.

உடலில் போதிய அளவு சத்தில்லாதவர்கள், சில வகை நோயுள்ளவர்கள், கர்ப்பிணி பெண்கள் போன்றவர்கள், டாக்டரின் ஆலோசனைப்படி நார்ச்சத்து உள்ள உணவுகளை எடுத்துக்கொள்ள வேண்டும்.

ஏனெனில் நார்ச்சத்து உள்ள உணவுகள், பசியை போக்குமே தவிர, போதுமான கலோரியை தராது. அதுபோல, நார்ச்சத்து உள்ள உணவுகளை சாப்பிடுவோர், கண்டிப்பாக அதிக தண்ணீர் குடிக்க வேண்டும்.