ஜென்ம நட்சத்திரத்தின் சிறப்புகள் யாவை?
ஒருவரது ஜாதகத்தை எடுத்துக் கொண்டால், லக்கினம் ஆன்மாவையும், சந்திரன் ராசி, உடலையும் குறிக்கும். சந்திரன் ஒரு ராசியில் நிற்கும் போது, ஏதோ ஒரு நட்சத்திர பாதத்தில் இருக்கும். அதுவே உங்கள் பிறந்த நட்சத்திரம் ஆகும். இந்த உடலை இயக்கி, அதன் கர்ம வினைகளுக்கு ஏற்ப உடல் அனுபவிக்கும் நன்மைகளுக்கு காரணமானவர் இந்த ஜென்ம நட்சத்திரம் தான் என்பது குறிப்பிடத்தக்கது. அதனாலேயே, கோயில் வழிபாட்டுக்கு மிக உகந்த தினமாக ஜென்ம நட்சத்திர தினம் குறிப்பிடப்படுகிறது. அதையடுத்து, ஜென்ம நட்சத்திரத்தின் சிறப்பு மற்றும் அதன் பயன்கள் குறித்து பார்க்கலாம்.
ஒவ்வொரு மாதத்திலும் வரும் ஜென்ம நட்சத்திரம் அன்று கோயிலுக்கு சென்று அர்ச்சனை செய்து வழிபடுவதால் துன்பங்களின் தாக்கத்தை பெருமளவு குறைக்க முடியும்.
அனைத்து வித தோஷங்களுக்கும் பரிகாரம் செய்ய உகந்த நாளாக ஜென்ம நட்சத்திர தினம் கருதப்படுகிறது.
ஜென்ம நட்சத்திர தினத்தன்று செய்யப்படும் வழிபாட்டால், எந்த தெய்வமும் அருள் செய்தே தீர வேண்டும் என்பது இறைவன் விதித்த பிரபஞ்ச சட்டமாகும்.
எனவே ஜென்ம நட்சத்திர வழிபாடு வாய்ப்பை ஒரு போதும் தவற விட்டு விடாதீர்கள்.
ஜென்ம நட்சத்திர தினத்தன்று அவரவர் தகுதிக்கு ஏற்ப கோயில்களில் மூலவருக்கு அபிஷேகம், ஆராதனைகள், சிறப்பு பூஜைகள் செய்வது நல்லது.
குறைந்தபட்சம் ஒரு அகல் விளக்காவது ஜென்ம நட்சத்திர தினத்தன்று கோயிலில் ஏற்றி வழிபாடு செய்வது சிறப்பு.
ஜென்ம நட்சத்திர தினத்தன்று உங்கள் ஜாதகப்படி எந்த கடவுளை வழிபட வேண்டும் என்று தெரிந்து வைத்து அதன்படி வழிபாடு செய்தால் கர்ம வினைகள் தீரும் என்பது குறிப்பிடத்தக்கது.
ஜென்ம நட்சத்திர பூஜை முடிந்ததும், ஏழை, எளியவர்களுக்கு தானங்கள் செய்தால், பித்ருக்களின் முழுமையான ஆசி கிடைக்கும்.
எவர் ஒருவர் தொடர்ந்து ஜென்ம நட்சத்திர வழிபாடு செய்து வருகிறாரோ, அவரை கண் திருஷ்டி நெருங்காது. தடைபடும் செயல்கள் அனைத்திலும் ஜெயம் உண்டாகும்.
ஜென்ம நட்சத்திரம் அன்று ஹோம வழிபாடு செய்தால் கூடுதல் பலனை பெற முடியும்.
ஜென்ம நட்சத்திரம் அன்று என்ன வழிபாடு செய்யலாம் என்பதை உங்கள் உறவினர்களுக்கும், நண்பர்களுக்கும் பகிர்ந்து கொள்ளுங்கள் (ஷேர் செய்யுங்கள்).