ஏழரை சனியால் இத்தனை நன்மைகளா!

பலருக்கும் ஏழரை சனி காலத்தில் தான் திருமணம் நடைபெறும்.

இது விளையாட்டாக தெரிந்தாலும், ஆனால் இது தான் உண்மை.

ஏழரை சனி காலத்தில், சனி பகவான் நிறைய பொறுப்புகளை கொடுத்து சுமக்க வைப்பார். உண்மையில் கல்லை காயப்படுத்துவது உளியின் நோக்கம் அல்ல. அதே போல் தான் உங்களை காயப்படுத்துவது சனியின் நோக்கம் அல்ல.

நாம் ஒவ்வொருவருமே நமது முன் வினை பாவங்களை தீர்க்க தான் பிறக்கிறோம். அதன் பிறகு இறக்கிறோம்.

உலக வாழ்க்கையின் மீது இருக்கும் ஆசையால் தான், இவ்வாறு பல பிறவி எடுத்து வருகிறோம்.

ஏழரை சனி மட்டும் அல்ல,8 ஆம் இடத்தில் வரும் சனிக்கு அஷ்டம சனி என்பது பெயர்.

4 ஆம் இடத்திற்கு வரும் சனிக்கு அர்த்தாஷ்டம சனி என்பது பெயர்.

7 ஆம் இடத்திற்கு சனி வரும் காலத்திற்கு கண்டக சனி என்பது பெயர்.

சனி பகவானுக்கு புகழ்பெற்ற திருத்தலம், புதுச்சேரி மாநிலம், காரைக்காலுக்கு அருகே உள்ள, திருநள்ளாறு சனீஸ்வரர் ஆலயம் ஆகும்.

இங்குள்ள நள தீர்த்தத்தில் நீராடி, விநாயகரை வணங்கி, பின்பு சனீஸ்வரரை வணங்கி வரவேண்டும்.

இங்கு வந்து செல்லும் பக்தர்களை சனி பகவான் எப்போதும் காத்து வருகிறார்.

உங்களுக்குப் பிடித்த அல்லது உங்கள் குலதெய்வத்திற்கு நல்லெண்ணெய் தீபமிட்டு வணங்கி வாருங்கள்.

கோயில் தீபங்களுக்கு சனிக்கிழமையில் நல்லெண்ணெய் வாங்கித் தாருங்கள்.

சபரிமலை செல்பவர்களுக்கு கருப்பு வஸ்திரம் வாங்கித் தருவது கூட சனியின் தாக்கத்தை குறைக்கும்.

திருஞானசம்பந்தர் பாடிய கோளறு பதிகம் சொல்லி வர சனியின் தாக்கம் மட்டும் அல்ல, நவக்கிரகங்களால் ஏற்பட இருக்கும் ஊழ்வினை பலன்களும் கூட சரி செய்யப்படும்.